ပတ် ဗေပုံ…
ဗေပုံ …ဗေပုံ…
ကမ္ဘာမြေအဟုန်
တုန်သွားအောင် တီးလိုက်ပါ။
ခင်ဗျားတို့တီးနေတာ
ရွာတစ်ရွာ့ရိုးရာ
အိုးစည် မဟုတ်ပါဘူးကွဲ့…
ယောယဉ်ကျေးမှု
အသိအမှတ်ပြုဖို့
ငါတို့ရဲ့ရင်ဘတ်ကို
တဖြတ်ဖြတ် တလှပ်လှပ်
တီးခတ်နေကြတာလေ။
အိုးစည်မှာကျက်ထားတာ
သားရေမဟုတ်ပါဘူးကွဲ့…
ငါတို့ရဲ့အမွေ
ငါတို့မြေကို
မသွေမဖောက်
မပျောက်ပျက်အောင်
စောင့်ကြပ် ထိန်းသိမ်းနေတာကွဲ့။
အိုးစည်ကြိုးသားရေ
သာမန်လေမထင်နဲ့
ယောမြေကွယ်မယ့်အရေး
`ယောလူငယ်သွေး´နဲ့
မရွဲ့မစောင်းအောင်
ဗိန်းဗောင်းသံနဲ့
ကြိုးပမ်းကြစို့ကွဲ့။
ဗုံပြင်က ပတ်စာ
အသံသာဖို့ ထိမ်းသလို
မယိမ်းမယိုင်
ယောယဉ်ကျေးမှုခိုင်အောင်
ရွက်ဆောင်ကြိုးပမ်း
` ယောလူငယ်´အစွမ်း
အံ့မခန်းအောင်
စွမ်းဆောင်ထုတ်ပြ
အားရစရာ
ဖော်ထုတ်ပြစမ်းပါလေ့။
လာဟေ့!
အိုးစည်သား
`ယောလူငယ်´စွမ်းအားနဲ့
ယောရဲ့အမွေ
ကမ္ဘာမြေအနှံ့
ခြေဆန့်ပြရအောင်
စွမ်းဆောင်ကြိုးပမ်း
တီးလိုက်စမ်းပါ့
ယောနကအိုးစည်သံ
ဘဝဂ်လျှံမျှ
ယောအလှ ယောဂီတ
ယောဘဝ ယောသဒ္ဒါရုံ
ပတ် _ဗေပုံ
ဗေပုံ …ဗေပုံ…။ ။
{ယောလူငယ် အိုးစည်ဝိုင်းတော်သားများ သို့ ဦးညွှတ်လျှက်}
ချစ်ခင်စွာဖြင့်
ယောသိင်္ခ
No comments:
Post a Comment