အလွမ်းဝေသီ လွမ်းစေတီ

`နမောတေ မာရ ဝိဇယ´
မြတ်ဗုဒ္ဓအား ညွှတ်တွားဝန္ဒနာ ပူဇော်ပြီးသကာလ ကာလများစွာ ခံစားနေခဲ့ရပါသော နှမတော်မနန်းခါး၏ ဝေနာအား စေ့ငသေချာလျှောက်ထားခွင့်ပြုတော်မူပါ မောင်တော်ဘုရား။
နှစ်ပဋိစ္ဆေဒတွေက ကာလတာရှည် ကြာလှပြီဆိုသော်ငြား
နှမတော့်နှလုံးသားမှာ မနေ့ကလိုလို တွေးမိတိုင်းငိုပွဲဆင် နာကျင်ဆွေးမြေ့ အောက်မေ့နေရဆဲပါဘုရား။
နှစ်သက္ကရာဇ်ကို တွက်ဆစ်ကြည့်ရင် ၁၁၁၆ ခုနှစ်ပေါ့ဘုရား။
အလောင်းဘုရားရဲ့ဘုန်းမီးနေလ လွန်တောက်ပ ချိန်မှာ ဟံသာဝတီစစ်ချီရာထံ မောင်တော်ဘုရားစံပွင့်ရဲ့ ရဲရင့်တဲ့ သတ္တိနဲ့ပြောင်မြောက်တဲ့စစ်ရေးစွမ်းဆောင်ချက်တွေအတွက် ယောမြို့ ကိုအပိုင်စားခွင့်မဟာ မောင်တော်ရရှိခဲ့တဲ့ အရာ တွေလေ။
ယောမြို့ယောဒေသ မောင်တော်အုပ်ချုပ်ခွင့်ရတော့ ဒေသအကျိုး သယ်ပိုးတဲ့အပြင် စစ်ရေးအမြင်နဲ့ ယောမြို့တခွင်မှာ ကျုံးတစ်တန်နဲ့ယောရဲ့ဒေသ စားရိက္မာဖူလုံရေး
လယ်ရေပေးဝေရေးအစ အလေးထားကာ သည်ပိုးထမ်း
ဆောင်ခဲ့တာ ယောသမိုင်းကသိပါတယ် မောင်တော်ရယ်။
အဲ့ဒီ့အချိန်က အစစသာယာ အရာရာဖွံ့ဖြိုး ယောနယ်တရိုး
မှာ မောင်တော်သာဘုရင် မောင်တော်ဟာအရှင်သခင်အဖြစ်
နှစ်လိုဝမ်းသာ ပြည်သူတွေခမျာမှာလည်း စိတ်နှလုံး ချမ်းမြေ့ကြရှာပါရဲ့ မောင်တော်ရယ်။နှမတော်တို့ကိုယ်တိုင်ကတော့ ပြောစရာမရှိ ပီတိနှလုံး
ဂွမ်းဆီထိဖုံးသလိုပါ့ လောကနိဗ္ဗါန်ကာလ သတိရမိပါရဲ့ မောင်တော်ဘုရားရယ်။
ဒါပေမယ့် မောင်တော်ရယ်…
ကံကြမ္မာဆိုတာရယ်က ခေါက်ရှာငှက်ငယ်များ ပျံသန်းသွားသည့် ပမာ နိမ့်တစ်ခါ မြင့်တစ်လှည့် လှည့်ကွက် တွေကများ ဆင်ဖြူရှင်ဘုရား လက်ထက်မှာ ကံကြမ္မာက ဒိုးလိုမွှေတော့ နှမတော်တို့ယောဒေသ ရေနောက်ခဲ့ ရပါပေါ့ဘုရား။
နှမတော်တို့ယောရွှေပြည်ကို ဘယ်လိုအညှိုးနဲ့မသိ စိစိညက်ညက်မွှေနှောက် ဆင်ဖြူရှင် တောချောက်တဲ့အခါ ဆင်ကျီစားရာ ဆိတ်မခံသာတော့ သော့သော့ရှောင်ခွါ အသိုက်ပါကွဲ နတ်ရဲဆိုတဲ့ရွာမှာ ခြေကုတ်ယူခဲ့ကြရတာ
မောင်တော်မှတ်မိမှာပါလေ။
နတ်ရဲဒေသမှာ စစ်ရေးခိုင်မာဖို့အရေး ရွာဘေးကျုံးဆင် လူဝင်
တပ်သား မနေမနားစု ရပ်မှုရပ်ရွာ သာယာဖို့အရေး မနှေးဆောင်ရွက်နေချိန် အသူရိန်ကိုရာဟုဖမ်းသည့်အလား
ဆင်ဖြူရှင်တပ်သားများက နတ်ရဲတလွှား ဝင်တိုက်ပါရောလား မောင်တော်ရယ်။အဲ့ဒီအခါမှာလည်း ခေါင်းငိုက်စိုက်ဆုတ်ခွါ ပြေးခဲ့ရပြန်ပါပကောလားဘုရာ့။
မလွဲမရှောင်သာတဲ့ဘေး တေးဆိုတဲ့ရွာလေးမှာ အားတင်း
ကာမာန်ထူ လူသူစုဆောင်း ပြိုဟောင်းခဲ့သမျှပြုပြင် အား
ကြိုးမာန်တင်နေတုန်း ဗြုန်း ခနဲဆို ရှင်ဘုရင်အလိုက `မောင်တော်မကျသရွေ့ စိတ်ချမကျေအေးဘူး´ဆိုတဲ့သတင်း
မောင်တော်အလျင်း သိတဲ့အခါ…
အဲ့ဒီ့နေ့ အဲ့ဒီအခါဟာ…
ကမ္ဘာလဲငို ရွှေတောင်ကြီးပြိုကျ မေ့မရတဲ့နေ့ လက်တွေ့ရင်ဆိုင်ရတော့ပါပဲဘုရား။
မောင်ဘုရားရဲ့စိတ်ဓာတ် လွန်မြင့်မြတ်စွာ` ယောရပ်ရွာဟာ
ငါ့ဇိဝိန်မကြွေမချင်း အလျင်းမကျေနိူင်သူ ဆင်ဖြူရှင်အရေး ငါမရှိမှ အေးမယ်
ငါမနှောင့်နှေးသင့်ဘူးလေကွဲ့´
အဲ့ဒီ့အဓိဌါန်နဲ့ မောင်တော်ရဲ့ယောချစ်စိတ် ထိတ်ထိတ်ကဲကဲ
ဟောဒီ့ယောချောင်းထဲမှာ စီးတော်သာ မြင်းတစ်စီးနဲ့ အပြီး
ခုန်ချ သတ်သေပြခဲ့တာ ယောချောင်းကြီးက သက်သေခံနေပါ
ရောလား မောင်တော်ဘုရားရဲ့။
ချန်ထားရစ်ခဲ့ပေမယ့် ကျန်ငြားရစ်သူ နှမတော့်အပူကို မောင်
တော်ရှုလှည့်ပါဦးဘုရား။
နေ့နေ့ညည မေ့မရသည့်အဆုံး မောင်တော်သုံးခဲ့သည့် ချပ်
ဝပ်တန်ဆာ ဝတ်လဲတော်ပုဆိုးပါမကျန် အဓိဌါန်ရည်ရွယ် ဌါပနာ
ငယ်ထည့်ကာ တသသမှန်း လွမ်းစေတီတစ်ဆူ လွမ်းဆွတ်စိတ်ဝေဆူဆူကြား တည်ထားပါတယ်ဘုရား။
ထိုစေတီထံပါး၌ နေ့ရောညပါ ကြက်လျှာဆီမီးအပြင် ဆွမ်းသင်ပုတ်ဝတ် မပြတ်လှူဒါန်းထားတာ သာဓုခေါ်တော်မူပါ့
မောင်တော်ဘုရား။
`ပိယေဟိ ဝိပ္ပရောဂေါ ဒုက္ခေါ ´
ချစ်သောသူနဲ့ကွေကွင်း ပူပန်ရခြင်းကို နှမတော်ရင်တွင်း ပူပြင်း
သောက သဲအူပြတ်မျှအောင် ခံစားနိူင်ခြင်း အလျင်းမရှိတော့ပါ
မောင်တော်ဘုရား။
ပူပန်ရခြင်းဖြင့် အသက်ရှင်ခွင့်အစား ဘဝတပါးက မောင်တော့်
ဘုရားထံပါး၌သာ ခ စားခွင့်ပြုတော်မူပါဘုရား…
ခ…
စား …
ခွင့် …
သာ
အလျင်း… ပြုတော်မူပါ …မောင်တော်ဘုရား။ ။

=================================
တေးရွာ အနောက်တောင်ထောင့်တွင် တည်ထားသော
လွမ်းစေတီ သမိုင်းအကျဉ်း
-------------------------------
သက္ကရာဇ် ၁၁၁၆ ခုနှစ်တွင် အလောင်းဘုရား ဟံသာဝတီချီတက်
သိမ်းပိုက်ရာတွင် ရွတ်ရွတ်ချွံချွံတိုက်ခိုက်ပါဝင်ခဲ့သော နတ်ရဲ
ရွာသား ဦးစံပွင့်အား ၁၁၁၉ ခုနှစ်တွင် ယောမြို့အား အပိုင်စားပေးခဲ့သည်။
( ကျောင်းကြီးရှင်ချစ် စေတီတော်သမိုင်း)
သက္ကရာဇ် ၁၁၁၉ ခုနှစ်တွင် ယောငအောင်မှိုင်းအား ယောမြို့
တွင် စော်ဘွားအရာ ပေးသနားတော်မူသည်။
( ကုန်းဘောင်ဆက်မဟာရာဇဝင်တော်ကြီး)
နှစ်သက္ကရာဇ်မကွာခြားသဖြင့် ဦးစံပွင့်နှင့် ငအောင်မှိုင်းသည်
တစ်ဦးတည်းဟု ယူဆနိူင်စရာဖြစ်ပါသည်။
ဦးစံပွင့်သည် ယောမြို့အား အခိုင်အမာတည်ဆောက်ကာ စိုးစံ
ခဲ့ပါသော်လည်း ဆင်ဖြူရှင်မင်းလက်ထက်တွင် စစ်သည်အများ အပြားဖြင့် ယောမြို့အား ဝင်ရောက်တိုက်ခိုက်ခြင်းခံခဲ့ရပါသည်။ အင်အားမမျှသဖြင့် ဦးစံပွင့်သည် သားမယားနဲ့အတူ နတ်ရဲရွာ
သို့ ထွက်ပြေးရှောင်ခွါကာ ကျုံးအခိုင်အမာတူး၍ နေပြန်ပါ
သော်လည်း ဆင်ဖြူရှင်တပ်များက လိုက်လံတိုက်ခိုက်ပါသဖြင့်
တေးရွာသို့ ပြေးခွါရှောင်ဖယ်ခဲ့ရပြန်သည်။
ယောမြို့သည်၁၁၂၆ ခုနှစ်တွင် ပျက်ခဲ့သည်။
တေးရွာတွင် အခိုင်အမာတပ်စွဲနေရင်း (ဆင်ဖြူရှင်မင်းသည်
ငါ့အားမရလျှင် ငါ့ဆွေငါ့မျိုးတို့အား ဒုက္ခပေးကြပေတော့မည်။
ဤသို့လျင် ငါ၏အသက်ရှင်ခြင်းမှာ အဓိပ္ပါယ်မရှိ)ဟု ဆင်ခြင်
သုံးသပ်ကာ ယောမြို့၏ အရှေ့တောင်အရပ်ရှိ ရေထုံးကြီးထဲ
သို့ စီးတော်မြင်းနှင့်အတူ ခုန်ဆင်းကာ အများအကျိုးအတွက်
အသက်စွန့်သွားခဲ့သည်။
ဦးစံပွင့်၏ဇနီးသည် မနန်းခါးသည် ခင်ပွန်းကို လွမ်းဆွတ်စိတ်
ဖြင့် ခင်ပွန်း၏ အသုံးအဆောင်အဝတ်အစားများအား ဌါပနာထား
ကာ လွမ်းစေတီတစ်ဆူတည်ထားခဲ့သည်။
မနန်းခါးသည်လည်း များမကြာမီမှာပင် ခင်ပွန်းကို လွမ်းဆွတ် စိတ်ဖြင့် ရင်ကွဲနာကျကာ ကွယ်လွန်ခဲ့ပါသည်။
ကျမ်းကိုး ။။ကုန်းဘောင်ဆက်မဟာရာဇဝင်တော်ကြီး
ကျောင်းကြီးရှင်ချစ်ဘုရားသမိုင်း
ယောဓလေ့ (စောကြူမောင်)
ယောသိင်္ခ
Photo= Credit >Ko yin lay -Yaw phyoe mg-Ko win min