ပြင်သာရွာဖွါး မြေး အဖိုး..မဆုံးသေးသောပုံပြင်

>> ငါ့မြေးလေးရေ
ဟိုးခပ်ဝေးဝေးက
ရေပြင်အစွန်းနားလေးကိုကြည့်
အဲ့သည်နေရာဟာ
အဖိုးတို့ရဲ့ထေရဝါဒသာသနာ
ထွန်းကားဖြစ်တည်
ရွာဦးစေတီ တည်ရှိခဲ့ရာ
ကုန်းမြင့်မဟာကွဲ့။
အဲ့သည့်စေတီမှာ
အခါကြီးရက်ကြီး
အလှူကြီး အလှူငယ်
ဘယ်ခါမပြတ်
ဒါနဝတ်နဲ့
အမြတ်တရားတွေ
ပွါးများစေခဲ့ကြသကွဲ့။
>> ငါ့မြေးလေးရေ
တောင်ဖက်စွေစွေက
ရေလှိုင်းနားကိုကြည့်
အဲ့သည်နေရာဟာ
ဘာသာအရောင်
သာသနာအရောင်
ထွန်းပြောင်ဝင်းပ
စာချစာသင်မပြတ်
ပဋိပတ် ပဋိယတ်
အမြတ်ထွန်းပ
ပဋိဝေဒပါမကျန်
အမွန်အမြတ်အားထားရာ
ရွာဦးကျောင်းနေရာကွဲ့။
အဲ့သည်မှာလေ
ကြေးစည်သံတဝေဝေ
သံဃာတွေတဝင်းဝင်း
သီတင်းဥပုသ်
အားထုတ်ယောဂီ
ဆွမ်းဝတ်တွေစုံညီညီနဲ့
စည်ဝေထွန်းကား
တရားဓမ္မတေးသံ
တညံညံနဲ့ပေါ့ကွယ်…
>>> ငါ့မြေးလေးရာ
ညာဖက်နားကိုကြည့်
အဲသည့်နေရာပေါ့
နာသုံးနာကို ရင်မှာပိုက်
ရွာ့ရင်သွေးတစ်သိုက်ကို
နှစ်လိုချစ်မြတ်
ပညာတတ်တို့မွေးဖွါး
အင်အားသစ်လောင်း
ခေါင်းလောင်းသံချိုချိုလေးနဲ့
စာသင်ကျောင်းဆိုတဲ့
နေရာလေးပဲကွဲ့။
အဲသည့်ကျောင်းလေးက
ကျောင်းဆရာ/ဆရာဝန်
ပညာရှင်ပညာတတ်
လူမြတ်လူတော်တွေ
မွေးထုတ်ပေးခဲ့လေတယ်ကွဲ့။
>>>ငါ့မြေးလေးရေ
ဘယ်တောင်ခြေအစပ်က
လှိုင်းကြက်ခွပ်လေးတွေ တွေ့ရဲ့လား။
အဲ့သည့်နားမှာ
ပြည့်ဝမ်းစာအတွက်
မြခက်မြဖူး
တလူးလူးဖြာ
ရွာရဲ့ယာတွေ…
နွေဦးပေါက်မှာ
ကောက်နှံစပါး
ရွှေသားတဝင်းဝင်းနဲ့
ရွာ့လယ်ကွင်းတွေ…
ရွာ့ကျေးဇူးရှင်တွေအတွက်
စိမ်းစိမ်းခက်ခက်နဲ့
စားကျက်ကွင်းတွေ…
ရွာအခြေကို
ပတ်ခွေစီးဆင်း
ချစ်ခြင်းသံဖွဲ့
ရွာရဲ့ချောင်းလေးတွေ…
>>>>ငါ့မြေးလေးရေ…
အဲသည့်နေရာ
အဲသည့်နေရာ
အဲ့…သည့်…နေရာတွေ ပေါ့
ငါတို့ရဲ့
ငါ… တို့… ရဲ့
အဖိုးတို့ရဲ့…
အ…ဖိုး…တို့…ရဲ့…။ ။
                                                                   ယောသိင်္ခ
                                                          Photo= Credit to Up loader