မင်းအုပ်စိုးကို လူသတ်မှုဖြင့်စွဲချက်တင်

လူသတ်မှုဖြင့် တရားစွဲဆိုခံထားသော သရုပ်ဆောင်မင်းအုပ်စိုးကို ဗဟန်းမြို့နယ်တရားသူကြီးက လူသတ်မှုဖြင့် စွဲချက်တင်လိုက်ပြီ ဖြစ်သည်။ 
ယနေ့ (ဇွန် ၁၀ ရက်) ရုံးချိန်းတွင် စွဲချက်တင်သည့်အမိန့်ကို တရားသူကြီးက ဖတ်ပြပြီးနောက် မင်းအုပ်စိုးအား အပြစ်ရှိ၊ မရှိ မေးမြန်းရာ ၄င်းက အပြစ်မရှိကြောင်း ရုံးတော်ကို ထွက်ဆိုသွားသည်။


ပြီးခဲ့သည့် ဇွန်လ ၈ ရက်ရုံးချိန်းတွင် လူသတ်မှုဖြင့် စွဲချက်တင်သင့်၊ မတင်သင့် နှစ်ဖက်လျှောက်လဲချက်တင်ရာ၌ မင်းအုပ်စိုး၏ ရှေ့နေက မင်းအုပ်စိုးသည် ယင်းအမှုနှင့် ပတ်သက်၍ တာဝန်သိသိ သွားရောက် အသိပေးခဲ့သောကြောင့် ပုဒ်မ ၃၀၂-၁- (က)၊ (ခ)၊ (ဂ) တို့နှင့် ငြိစွန်းခြင်းမရှိဘဲ ပုဒ်မ ၃၀၂-၂ ဖြင့် စွဲချက်တင်ပါက ဆက်လက် ဖြေရှင်းသွားမည်ဟု လျှောက်လဲချက်တင်ထားသည်။ ဇွန်လ ၁၇ ရက်တွင် ထပ်မံ ချိန်းဆိုလိုက်ပြီး အဆိုပါရုံးချိန်းတွင် အခင်းဖြစ်ပွားသည့်အချိန်က သေဆုံးသူ တေးနုယဉ်နှင့်အတူ ရှိခဲ့သည့် အမျိုးသမီးသုံးဦးကို ပြန်ခေါ်သက်သေအဖြစ် စစ်ဆေးမည်ဖြစ်ကြောင်း သတင်းရရှိသည်။ ယခုစွဲချက်တင်လိုက်သည့် ပုဒ်မ ၃၀၂ - ၂ မှာ တင်ကူးကြံရွယ်ချက်မရှိဘဲ လူသတ်မှု ကျူးလွန်ခြင်းဖြစ်ပြီး ပြစ်မှုကျူးလွန်ကြောင်း ထင်ရှားပါက တစ်သက်တစ်ကျွန်းဖြစ်စေ၊ အလုပ်ကြမ်းနှင့်ထောင် ဆယ်နှစ်ဖြစ်စေ၊ ငွေဒဏ်ဖြစ်စေ ချမှတ်နိုင်ကြောင်း ရာဇသတ်ကြီးဥပဒေတွင် ဖော်ပြထားသည်။

ဒီနေ့ရုံးချိန်းကို တရားလိုမိသားစုအား အားဖြည့်သည့်အနေဖြင့် ယောလူငယ်အဖွဲ့ (ဗဟို)မှ ဥက္ကဌ ဦးဆောင်တဲ့ အမာခံ အင်အား ၂၀ယောက်မှ သွားရောက် ၀န်းရံ လေ့လာခဲ့ကြပါတယ်။ 

သေဆုံးသူ မတေးနုယဉ် ၏ သေဆုံးခဲ့ရသည့် ဒါဏ်ရာဒါဏ်ချက် များမှာ မတော်တဆမှု ပုံစံ မဟုတ်သည့် အတွက် ယောလူငယ်အဖွဲ့ အနေဖြင့် အမှန်တရားပေါ်ပေါက်ရေးအတွက် ဝန်းရံခံကြခြင်းဖြစ်သည်။ ထို့အပြင် သက်သေမိန်းခလေး သုံးဦးမှာ တရားခံမင်းအုပ်စိုး ၏ အရိပ်အာဝါသအောက်မှ ဝန်ထမ်းများဖြစ် ၍ ၄င်းတို့ ၏ထွက်ဆိုချက်များ မှာ မှန်ကန်စေလိုကြောင်း အသင်းသားများမှ ဆန္ဒပြုပါသည်။

ယောလူငယ် အဖွဲ့(Online) (ပြန်ကြားရေး အဖွဲ့)
Ref ; 7 Day New Journal