* တမာချို *

သြော်…
အညာနွေမှာ
တမာပွင့်တွေ
ဖွေးဖွေးလွင့်လွင့်
ပွင့်နေပြန်ပါရောလားကွယ်…
သည်တမာပင်ရိပ်အေးအေး
တမာရနံ့မွှေးမွှေးမှာ
မွေးဖွါးခဲ့မိပါသော
သမုဒယအပိုင်းအစလေးများကို
တအား သတိ
ရနေမိပါရဲ့။
တမာပင်ရိပ်အေးအေးမှာ
နွေးထွေးနေအောင်
ချည်နှောင်ထုံးဖွဲ့မိသော
သံယောဇဉ် အမျှင်တန်းသည်
ရှင်ခန်းပြတ်ဖွယ်မရှိဟု
နုနယ်သည့်အရွယ်
ပျိုငယ်သည့်နှလုံးသားက
ယုံမှတ်ထားခဲ့ဖူးသည်လေ။
တမာပင်အရိပ်အေးအေးမှာ
ကဗျာတေးလေးတွေဖွဲ့
နွဲ့နွဲ့ညင်သာ
တစ်ကမ္ဘာထင်မှတ်
ကျေနပ်ကြည်နူး
ရူးခဲ့ရဖူးသည်လေ။
တမာရနံ့သင်းသင်းကို
ချစ်ခြင်းအပြည့်နဲ့မွှေးမြ
သူမ သည်သာ
အရာရာပိုင်စိုး
တမိုးအောက်မှာ
တစ်ပင်သာရှိတယ်ထင်မှတ်
လွတ်လပ်ကာရန်
အဖန်ဖန်ရင်ခုန်
အဝိဇ္ဇာမြူမှုန်နဲ့
ကခုန်ခဲ့ဖူးသည်လေ။
တမာ…တဲ့လားကွယ်…
နာမည်ကြားရုံမျှနဲ့
ကာလရှည်ကြာ
အိပ်မောကျနေခဲ့ပါသော
သုခဝေဒနာတို့ကို
လှုပ်နိူးစေသည်လားလေ။
သေချာသည်က
ဘဝတစ်ဆစ်ချိုးမှာ
တမာသည်မခါး
နုထွားပျိုမြစ်
ရွက်သစ်တွေတဝေဝေနဲ့
ချိုမြနေခဲ့သည်လေ။
သြော်…
……
သည်တခါလည်း
အညာနွေမှာ
တမာပွင့်လေးတွေ
ဖွေးဖွေးစွင့်စွင့်
ပွင့်ဝေနေပြန်ပါရောလားကွယ် ။ ။
                                             ယောသိင်္ခ